كافي غربة
كافي الشفايف تشرب الحنظل
وتغني غريبة الروح تتوسل
كافي الورد باقي بلا عطر
كافي الفراشة تدور وتسال
الورد بلا عطر غربة وعمرهة طويل
مثل ناس بلا وطن غربة بعمر اطول
الغربة .. منايا تحوم فوك الراس
ويا مصعب حملها الليل لو ليل
واكول اتحمل .. باجر يجي المصباح ويظل الليل
واظل بغربتي اتحمل
احس كلبي يطوف بدجلة من يشتاك
واحسة يرد سلمي بلهفتة ويذبل
مدري تبدل دجلة من عفناه .. لو شوك الغريب بطبعه تبدل
غريب اني غريب .. اعتذر من بغداد
وبغداد اليحبهة ويعتذر تخجل
بعيد الدار لكن روحي بالموجات بغدادي يا دجلة بذكرج اتعلل
