جرح وندم

اكتبلك قصيده وبيها اختصر جرحـــــــي واسباب موتي بعينك مختصـــرها
واذا نوحي اليونسك وجرحـــــي اليسليك هاي اخر حسره عليك اجـــــــرها
واذا حبـــك بكــــلبي حفـــر ابــــــــــــار الــم تراب نفســـي واطمر اثـــرها
ولو كاس حسنك سكـــــــرني من اسنين اعلن التوبه بندم وبلحظه اكســرها
ولو كلمة خبــــــر وبجملة حياتي اتعيش اعراب روحي ارفع واحذف خبرها
تلبس ثوب الخيانه الناس لمن تريد تخون وبيك الخيانه التفت من علنت غدرها
جوا الصفـــــر انت وكل معنى مابيــــك مرايه عرفت قيمتك وذاتك نكـــــرها
عفيه كلب كـــل ســــــاعه مأتم بيــــــك وهمومك جريده بوجه الحزن تنشرها
جبـــل تصيـــر وياي يوم الاحاجيـــــك وريشــــه ويا غيــــري بنفخه طيرها
طبعـــي اسكوتي اني وما اشــوف الأه طكت جروح العلي وعضمي دثرها
اشتـــلت روحــــي ورده بيدائك تعيش وجدمـــك داس فوكاهـــا وعبـــرها
لاتكلي خدك مو حلو ومثلمه وجنـــاك جمـرك شعل وجنتي ودمعــك حفرها
ولاتكلي ناحل جسم وعيوني ذبلانات جورك هدم صحتي وضيـع نظرها
يابو مـــاي الظحــــل ماتكــدر تعيش يجيـــــك المـــوت لو يصفـه كدرها
بعد لاتقدم تضحيه وبطل بطـــولات ولاتقــــــدم نعمتــــك للماشكــــرها
كتلك ادلل علـــي وأمــــــر وشتريد اجيب النــجمه الك هيـه وكمــــرها
وجنت احسبـــك مثــل ليــلة عيـــــد تفطر الروح لـــو صومك عبــرهـا
ودعائي بصلاة الوتركون ليه تصير وعيوني الك تبجــي بسجدة فجــرهـا
دكلي ليش الغدر واشجان ذنبي وياك واذا ذنوبي بمحبتــك والله لكفــرهـا




خوش شاعر هذا الكاتبهه مو بله؟


تحيــــــــــــــــــــــــاتي